కొత్త బంగారు లోకం (2008) సినిమా పాటల సాహిత్యం

దర్శకుడు: శ్రీకాంత్ అడ్డాల
సంగీతం: మిక్కీ జె మేయర్
నటీనటులు: వరుణ్ సందేశ్, శ్వేతా బసు ప్రసాద్

పాటలు:

నిజంగా నేనేనా
నేననీ నీవని
కలశాలలో
కన్ఫ్యూషన్
నీ ప్రశ్నలు
ఓకే అనేసా

నిజంగా నేనేనా

గాయకుడు: కార్తీక్
సాహిత్యం: అనంత శ్రీరామ్
సంగీతం: మిక్కీ జె మేయర్

నిజంగా నేనేనా ఇలా నీ జతలో ఉన్నా

ఇదంతా ప్రేమేనా ఎన్నో వింతలు చూస్తున్నా
ఎదలో ఎవరో చేరి అన్నీ చేస్తున్నారా
వెనకే వెనకే ఉంటూ నీ పై నన్నే తోస్తున్నారా
హరే హరే హరే హరే హరే రామా
మరీ ఇలా ఎలా వచ్చేసిందీ ధీమా
ఎంతో హుషారుగా ఉన్నాదే లోలోన ఏమ్మా
హరే హరే హరే హరే హరే రామా
మరీ ఇలా ఎలా వచ్చేసిందీ ధీమా
ఎంతో హుషారుగా ఉన్నాదే లోలోన ఏమ్మా
నిజంగా నేనేనా ఇలా నీ జతలో ఉన్నా
ఇదంతా ప్రేమేనా ఎన్నో వింతలు చూస్తున్నా

ఈ వయస్సులో ఒక్కో క్షణం ఒక్కో వసంతం
నా మనస్సుకే ప్రతీ క్షణం నువ్వే ప్రపంచం
ఓ సముద్రమై అనుక్షణం పొంగే సంతోషం
అడుగులలోన అడుగులు వేస్తూ నడిచిన దూరం ఎంతో ఉన్నా
అలసట రాదు గడిచిన కాలం ఎంతని నమ్మనుగా

నిజంగా నేనేనా ఇలా నీ జతలో ఉన్నా
ఇదంతా ప్రేమేనా ఎన్నో వింతలు చూస్తున్నా

నా కలే ఇలా నిజాలుగా నిలుస్తూ ఉంటే
నా గతాలనే కవ్వింతలే పిలుస్తూ ఉంటే
ఈ వరాలుగా ఉల్లాసమై కురుస్తూ ఉంటే
పెదవికి చెంప తగిలిన చోట
పరవశమేదో తోడవుతుంటే
పగలే అయినా గగనంలోన తారలు చేరెనుగా

నిజంగా నేనేనా ఇలా నీ జతలో ఉన్నా
ఇదంతా ప్రేమేనా ఎన్నో వింతలు చూస్తున్నా
ఎదలో ఎవరో చేరి అన్నీ చేస్తున్నారా
వెనకే వెనకే ఉంటూ నీ పై నన్నే తోస్తున్నారా
హరే హరే హరే హరే హరే రామా
మరీ ఇలా ఎలా వచ్చేసిందీ ధీమా
ఎంతో హుషారుగా ఉన్నాదే లోలోన ఏమ్మా
హరే హరే హరే హరే హరే రామా
మరీ ఇలా ఎలా వచ్చేసిందీ ధీమా
ఎంతో హుషారుగా ఉన్నాదే లోలోన ఏమ్మా

నేననీ నీవని

గాయకులు: శ్వేతా పండిట్
సాహిత్యం: సిరివెన్నెల
సంగీతం: మిక్కీ జె మేయర్

నేననీ నీవనీ వేరుగా లేమని

చెప్పినా వినరా ఒకరైనా
నేను నీ నీడని నువ్వు నా నిజమని
ఒప్పుకోగలరా ఎప్పుడైనా
రెప్ప వెనకాల స్వప్నం
ఇప్పుడెదురయ్యే సత్యం తెలిస్తే
అడ్డుకోగలదా వేగం
కొత్త బంగారు లోకం పిలిస్తే….

మొదటి సారి మదిని చేరి
నిదుర లేపిన ఉదయమా
వయసులోని పసితనాన్ని
పలకరించిన ప్రణయమా
మరీ కొత్తగా మరో పుట్టుక
అనేటట్టుగా ఇది నీ మాయేనా

నేననీ నీవనీ వేరుగా లేమని
చెప్పినా వినరా ఒకరైనా
నేను నీ నీడని నువ్వు నా నిజమని
ఒప్పుకోగలరా ఎప్పుడైనా
రెప్ప వెనకాల స్వప్నం
ఇప్పుడెదురయ్యే సత్యం తెలిస్తే
అడ్డుకోగలదా వేగం
కొత్త బంగారు లోకం పిలిస్తే….

పదము నాది పరుగు నీది
రథము వెయ్యిరా ప్రియతమా
తగువు నాది తెగువ నీది
గెలుచుకో పురుషోత్తమా
నువ్వే దారిగా నేనే చేరగా
ఎటూ చూడక వెనువెంటనే రానా

కలశాలలో

గాయకులు: కృష్ణ చైతన్య, ఆదిత్య, సిద్ధార్థ, క్రాంతి, శశికిరణ్
సాహిత్యం: శ్రీకాంత్ అడ్డాల
సంగీతం: మిక్కీ జె మేయర్

కళాశాలలో…కళాశాలలో…

కలలు ఆశలు కలిసిన ప్లేసులు
నవ్వులు పువ్వులు విరిసిన ఫేసులు
కళాశాలలో…కళాశాలలో…
కలలు ఆశలు కలిసిన ప్లేసులు
నవ్వులు పువ్వులు విరిసిన ఫేసులు
పుస్తకమన్నది తెరిచే వేళ
అక్షరమెనక దాక్కొని ఉంది
కళ్ళతో వంతెన కడుతూ ఉంటే
దాటేటందుకు మతి పోతుంటే
కాదా మనసొక ప్రయోగ శాల
కాదా మనసొక ప్రయోగ శాల
కళాశాలలో…కళాశాలలో…
కళాశాలలో…కళాశాలలో…

సౌండ్ గురించి చదివాము
హార్ట్ బీట్ ఎంతో తెలియలేదు
లైట్ గురించి చదివాము
నీ కళ్ళ రిజల్టు తెలియలేదు
మగ్నెటిక్ చదివాము
ఆకర్షనేంటో తెలియలేదు
విద్యుత్ గురించి చదివాము
ఆవేశం ఏంటో తెలియలేదు
ఫిజిక్స్ మొత్తం చదివినా అర్ధం కాని విషయాలన్నీ
నీ ఫిజిక్ చూసిన వెంటనే అర్ధం అయిపోయాయే

కళాశాలలో…కళాశాలలో…
కళాశాలలో…కళాశాలలో…

డోలకంలాగ ఊగుతూ సాగే మీ నడుములన్నీ
స్క్రూ గేజ్ తోనే కొలిచెయ్యలేమా
గాలికే కందే మీ సుకుమార లేత హృదయాలు
సింపుల్ బాలన్స్ తో చెయ్యలేదా
న్యూటను మూడో నియమం చర్య ప్రతి చర్య
మీ వైపు చూస్తూ ఉంది రోజు మేమేగా
మా వైపు చూడకపోతే చాలా తప్పేగా
క్లాసుల్లోకి మనసుల్లోకి ఎందుల్లోకీ వచ్చారే

పుస్తకమన్నది తెరిచే వేళ
అక్షరమెనక దాక్కొని ఉంది
కళ్ళతో వంతెన కడుతూ ఉంటే
దాటేటందుకు మతి పోతుంటే
కాదా మనసొక ప్రయోగ శాల
కాదా మనసొక ప్రయోగ శాల
కళాశాలలో…కళాశాలలో…
కళాశాలలో…కళాశాలలో…

కన్ఫ్యూషన్

గాయకుడు: కృష్ణ చైతన్య, మిక్కీ జె మేయర్
సాహిత్యం: అనంత శ్రీరామ్
సంగీతం: మిక్కీ జె మేయర్

కన్ఫ్యూజన్ కంఫ్యూజన్ టీనేజే కంఫ్యూజన్

మాటల్లో చేతల్లో టోటల్ కంఫ్యూజన్
కంఫ్యూజన్ కంఫ్యూజన్ ఈ లైఫే కంఫ్యూజన్
చాయిసుల్లో ఫీలింగ్స్ లో టోటల్ కంఫ్యూజన్
నిన్నే తెలిసింది మాకు హృదయాలున్నాయి
నేడే స్పందిస్తున్నాయి
ఎన్నో వండర్సే మాకే చూపిస్తున్నాయి
ఇంకా ముందుంది ఏవో ఏవో కావాలన్నాయి
కన్ఫ్యూజన్ కంఫ్యూజన్ టీనేజే కంఫ్యూజన్
మాటల్లో చేతల్లో టోటల్ కంఫ్యూజన్
కంఫ్యూజన్ కంఫ్యూజన్ ఈ లైఫే కంఫ్యూజన్
చాయిసుల్లో ఫీలింగ్స్ లో టోటల్ కంఫ్యూజన్

ఒక్కో క్షణం కన్నుల్లలో టెంప్టేషన్
ఒక్కో క్షణం గుండెల్లలో టెంప్టేషన్

మాగీ షూ తొడిగాము పాయిసన్ సెంట్ పులిమాము
పెపె జీన్స్ కొన్నము అని మా స్కిన్నుకి చర్మాలే
పాకెట్ లోన సెల్ ఫోన్ బరువై నిలిపింది పరువే
వాల్లెట్ లోన ఫిఫ్టీ బదులే హండ్రెడ్సేలే
సినిమా హల్లో వేసే విజిలే పెంచింది లెవలే
ఫాషన్ చానల్ చూసే కనులే
లెఫ్టో రైటో చూడొద్దన్నాయే

కన్ఫ్యూజన్ కంఫ్యూజన్ టీనేజే కంఫ్యూజన్
మాటల్లో చేతల్లో టోటల్ కంఫ్యూజన్
కంఫ్యూజన్ కంఫ్యూజన్ ఈ లైఫే కంఫ్యూజన్
చాయిసుల్లో ఫీలింగ్స్ లో టోటల్ కంఫ్యూజన్

అందాలే కలిగారు గాలుల్లో వదిలారు
శ్వాసల్లో కలిపారు మనసున ఊపిరి ఉప్పెనలే
మెరిసే సొగసే మెరిపించేసెయ్ నరముల్లో కుదిపే
నిలువద్దములే మాగ్నట్స్ లాగ లాగేశాయే
కలలో మీరే బయట మీరే కనిపిస్తున్నారే
కలతో నిజమే ఫైటింగ్ చేసే
మీతో ఫ్రెండ్ షిప్ అయ్యే దాకే…

నీ ప్రశ్నలు

గాయకులు: S.P.బాలు
సాహిత్యం: సిరివెన్నెల
సంగీతం: మిక్కీ జె మేయర్

నీ ప్రశ్నలు నీవే ఎవ్వరో బదులివ్వరుగా

నీ చిక్కులు నీవే ఎవ్వరూ విడిపించరుగా
ఏ గాలో నిన్ను తరుముతుంటే అల్లరిగా
ఆగాలో లేదో తెలియదంటే చెల్లదుగా
పది నెలలు తనలో నిన్ను మోసిన అమ్మైనా
అపుడో ఇపుడో కననే కనను అంటుందా
ప్రతి కుసుమం తనదే అనదే విరిసే కొమ్మైనా
గుడికో జడకో సాగనంపక ఉంటుందా
బతుకంటే బడి చదువా అనుకుంటే అతి సులువా
పొరబడినా పడినా జాలిపడదే కాలం మనలాగా
ఒక నిమిషం కూడా ఆగిపోదే నువ్వొచ్చేదాకా

అలలుండని కడలేదని అడిగేందుకే తెలివుందా
కలలుండని కనులేవని నిత్యం నిదరోమందా
గతముందని గమనించని నడిరేయికి రేపుందా
గతి తోచని గమనానికి గమ్యం అంటూ ఉందా
వలపేదో వల వేసింది వయసేమో అటు తోసుంది
గెలుపంటే ఏదో ఇంత వరకు వివరించే ఋజువేముంది
సుడిలో పడు ప్రతి నావ చెబుతున్నది వినలేవా

పొరబాటున చేజారిన తరుణం తిరిగొస్తుందా
ప్రతి పూటోక పుటగా తన పాఠం వివరిస్తుందా
మన కోసమే తనలో తను రగిలే రవి తపనంతా
కనుమూసిన తరువాతనే పెను చీకటి చెబుతుందా
కడ తేరని పయనాలెన్ని పడదోసిన ప్రయాణాలెన్ని
అని తిరిగేశాయా చరిత పుటలు వెనుజూడక ఉరికే వెతలు
తమ ముందు తరాలకు స్మృతుల చితులు అందించాల ప్రేమికులు
ఇది కాదే విధి రాత అనుకోదేం ఎదురీత

పది నెలలు తనలో నిన్ను మోసిన అమ్మైనా
అపుడో ఇపుడో కననే కనను అంటుందా
ప్రతి కుసుమం తనదే అనదే విరిసే కొమ్మైనా
గుడికో జడకో సాగనంపక ఉంటుందా
బతుకంటే బడి చదువా అనుకుంటే అతి సులువా
పొరబడినా పడినా జాలిపడదే కాలం మనలాగా
ఒక నిమిషం కూడా ఆగిపోదే నువ్వొచ్చేదాకా

ఓకే అనేసా

గాయకులు: కళ్యాణి మీనన్, నరేష్ అయ్యర్
సాహిత్యం: సిరివెన్నెల
సంగీతం: మిక్కీ జె మేయర్

ఓకే అనేసా దేఖో నా భరోసా

నీకే వదిలేసా నాకెందుకులే రభసా
ఓకే అనేసా దేఖో నా భరోసా
నీకే వదిలేసా నాకెందుకులే రభసా
భారమంతా నేను మోస్తా అల్లుకో ఆశాలత
చేరదీస్తా సేవ చేస్తా రాణిలా చూస్తా
అందుకేగా గుండెలో నీ పేరు రాసా
తెలివనుకో తెగువనుకో మగ జన్మ కదా
కథ మొదలనుకో తుది వరకు నిలబడగలదా
ఓకే అనేశా దేఖో నా భరోసా
నీకే వదిలేసా నాకెందుకులే రభసా
ఓకే అనేశా దేఖో నా భరోసా
నీకే వదిలేసా నాకెందుకులే రభసా

పరిగెడదాం పదవే చెలీ – ఎందాకా అన్నానా
కనిపెడదాం తుది మజిలీ -ఎక్కడున్నాం
ఎగిరెళదాం ఇలనొదిలి – ఎవరాపినా
మరో సారి అను ఆ మాట మహారాజునైపోతాగా
ప్రతి నిమిషం నీ కోసం
ప్రాణం సైతం పందెం వేసేస్తా
పాత ఋణమో కొత్త వరమో
జన్మ ముడి వేసిందిలా
చిలిపి తనమో చెలిమి గుణమో ఏమిటీ లీల
స్వప్న లోకం ఏలుకుందాం రాగమాలా
అదిగదిగో మదికెదురై కనబడలేదా
కథ మొదలనుకో తుది వరకు నిలబడగలదా

పిలిచినదా చిలిపి కల- వింటూనే వచ్చేశా
తరిమినదా చెలియనిదా – పరుగుతీశా
వదిలినదా బిడియమిలా – ప్రశ్నల్ని చెరిపేశా
ఎదురవదా చిక్కు వల – ఎటో చూశా
భలేగుందిలే నీ ధీమా భరిస్తుందిలే ఈ ప్రేమ
అదరకుమా బెదరకుమా
పరదా విడిరా సరదాపడదామా
పక్కనుంటే ఫక్కుమంటూ నవ్వినాడా ప్రియతమా
చిక్కులుంటే బిక్కుమంటూ లెక్క చేస్తామా
చుక్కలన్నీ చిన్నబోవా చక్కనమ్మా
మమతనుకో మగతనుకో మతి చెడిపోదా
కథ మొదలనుకో తుది వరకు నిలబడగలదా

కొత్త బంగారు లోకం సినిమా పాటల సాహిత్యం