గంగోత్రి (2003) సినిమా పాటల సాహిత్యం

దర్శకుడు: కె. రాఘవేంద్రరావు
సంగీతం: M.M కీరవాణి
తారాగణం: అల్లు అర్జున్, అదితి అగర్వాల్

పాటలు:

నీ ఊరుకులే రాగంగా
మావయ్యది మొగల్తూరు
రైలు బండి
నువ్వు నేను కలిసుంటే
ఒక తోటలో
జీవన వాహినీ
వల్లంకి పిట్ట

నీ ఊరుకులే రాగంగా

సంగీతం: ఎంఎం కీరవాణి
గాయకులు: సునీత, SPB చరణ్
సాహిత్యం: చంద్రబోస్

గంగా… నీ ఉరుకులె రాగంగా…
నా గుండెల మోగంగా…
సరిగమలే సాగంగా…
మధురిమలో మునగంగా….
గంగా… నిజంగా నువ్వే నాలో సగభాగంగా…

నీ ఉరుకులె రాగంగా…
నా గుండెల మోగంగా…
సరిగమలే సాగంగా…
నాలో సగభాగంగా…

నువ్విచ్చిన మనసే క్షేమం…
నువ్వు పంచిన ప్రేమే క్షేమం….
నువ్వయి నేనున్నాను క్షేమంగా….
మనమాడిన ఆటలు సౌఖ్యం….
మనమాడినమాటలు సౌఖ్యం
మనువయ్యె కలలున్నాయి సౌఖ్యంగా….
నీ చెవి వినని ఈ సందేశం నా చదువుకు భాగ్యంగా….
ప్రతిపదమున నువ్వు ప్రత్యక్షం
శత జన్మలలోనూ కలగని సౌభాగ్యంగా…||గంగా…||

నువు పంపిన జాబుల పూలు నా సిగలో జాజులుకాగా….
దస్తూరి నుదుటన మెరిసే కస్తూరిగా….
నీ లేఖల అక్షరమాల నా మెడలో హారంకాగా
చేరాతలు నా తలరాతను మార్చంగా….
నువ్వు రాసిన ఈ ఉత్తరమే నా మనసుకు అద్దంగా….
నువ్వు చేసిన ఈ సంతకమే
మన ప్రేమకు పసుపు కుంకుమ అద్దంగా.. ||గంగా||

మావయ్యది మొగల్తూరు

గాయకులు: మనో, స్మిత
సంగీతం: ఎంఎం కీరవాణి
సాహిత్యం: చంద్రబోస్

మ్మ…మ్మ…మ్మ…….మ్మ…మ్మ…మ్మ…మ్మ…మ్మ
మావయ్యది మొగల్తూరు మా నాన్నది పాలకొల్లు||2||
మనువాడే ఈడు నాకు వచ్చిందంటూ
మగవాళ్ళ మధ్యన తిరగొద్దంటున్నారు
మావయ్యా…మా నాన్నా… || మావ||

పి పి పీ పీ పిల్లా నిను మెప్పిస్తానే నీ పెద్దళ్ళోను ఒప్పిస్తానే
పిడికెడంత నడుముదాన పెళ్లికి సై అంటే
పిఠాపురం నుండి నేను పల్లకి తెప్పిస్తానే

డుంమారే డువ్వ డుండుం డంమారే డవ్వ డండం…

నేనేమో మాష్టారిని నువ్వేమో స్టూడెంట్ వి
ఇద్దరికి కుదిరేనే పిల్లా మన కధ
సుందరకాండేనే పిల్లోయ్
పాఠాలే వినకున్నా ప్రయివేట్ కి రాకున్నా
బెత్తంతో కొట్టేద్దే సారూ
కొడితె మెత్తంగా కొట్టులే సారూ
బెంచి మీద నిలబెట్టను, గోడకుర్చీ వేయించను
నా ఒళ్లో కూర్చోనే పిల్లా
నీకిక వంద మార్కులేస్తానేపిల్లా…

మాష్టారూ….మాష్టారూ …నీకెందుకు ఈ పాడు బుద్దులు
పెద్దోళ్ల్కి తెలిసిందా అవుతుంది నీ బాక్సు బద్దలు

మ…మ…మ… మామయ్యది మొగల్తూరు
మీ నాన్నది పాలకొల్లు…నాకు తెలుసు …కో: హైస్సా…హైస్సా…హైస్సా….హైస్సా….
నా లాంటి పిల్లతోటి కళ్యాణం కోరుకుంటే
పెళ్లానివి నువ్వేనోయ్ సారూ….
నీకు పెనిమిటి నేనవుతానోయ్ సారూ
అతిలోక సుందరి నా జతకొచ్చి వాలుతుంటే
అన్నిటికి దూకేనే పిల్లా…
అటు ఇఅటు అయినా పర్లేదే పిల్లా….
నాలాంటి కన్నెతోటి కాపురమే చేశావో
కధ అడ్డం తిరుగుతుంది సారూ…
ఆపై నీ కడుపే పండుతుంది సారూ…

మాష్టారూ… మాష్టారు… స్టూడెంట్ మీకు కాదు జోడు
మావయ్యకి తెలిసిందో మిమ్మల్ని వెంబడిస్తాడు ||మావ||

రైలు బండి

గాయకులు: SPB చరణ్, సైంధవి
సాహిత్యం: చంద్రబోస్
సంగీతం: ఎంఎం కీరవాణి

చిక్ బుక్…. చిక్ బుక్….
గంగోత్రి
చిక్ బుక్…. చిక్ బుక్…. చిక్ బుక్….

రైలుబండి రైలుబండి కూతలోనె పాట ఉంది పాటలోని స్వరాలన్నీ ||చిక్ బుక్….||
సరిగమ సరిగమ సరిగమ పదనిస

రైలుబండి : రైలుబండినడకలోనే నాట్యం ఉంది నాట్యంలోని జతులన్నీ
చిక్ బుక్…. చిక్ బుక్…. చిక్ బుక్…. ఆ: తకదిమితకదిమి తకదిమి తకజణు
అలసటే లేని సంగీతాన్ని చేరిపేస్తుందీ రైలుబండి…. || చిక్ బుక్….||

కేరళలోన కొబ్బరి నీళ్ళు తాగిస్తుందండీ…
ఆంధ్రలోన పెసరట్టు ఉప్మా పార్శిల్ కట్టించి
మహారాష్ట్రాల్లో మధ్యాహ్నానికి రోటీ ఇస్తుంది || చిక్ బుక్….||

ఆగ్రా సౌధం చూపించి సిమ్లా ఆపిల్ అందించి
హరిద్వారులో అడుగేసి హృషికేష్ లో తిప్పింది
గంగోత్రికి చక చకమంటూ పరుగులు తీస్తుంది….
కూకూ….కూ….కుకుకుకూ…. అ: గంగోత్రి ||చిక్ బుక్….||

ఎండ్ల్లోన మండుతు ఉన్నా నీడను మనకిచ్చి
వానల్లోన తానే తడిసి గొడుగవుతుందండీ…..||.చిక్ బుక్….||

రాత్రంతా తను నిద్దరమాని మేల్కోంటుందండీ
అమ్మల్లే మనకూయలుపి జోకొడుతుందండీ ||చిక్ బుక్….||

సెలవులు తనకు వద్దంటూ స్నేహితులను మనకందిస్తూ….
అందరి భారం మోసేస్తూ …కోరిన తీరం చేరుస్తూ….
మతమూ కులమను భేదం తనకు లేవంటుందండీ….
మానవ జాతిని ఒకే తాటిపై నడిపిస్తుందడీ….
చిక్ బుక్…. :చిక్ బుక్… :చిక్ బుక్…. గంగోత్రి ||రైలుబండి||

నువ్వు నేను కలిసుంటే

గాయకులు: SPB చరణ్, మాళవిక
సాహిత్యం: చంద్రబోస్
సంగీతం: ఎంఎం కీరవాణి

లాలలలాల…. లాలలలాల…. లాలలాలాలా….
లలలాలా లలలాలా లల లాలాలాలాలా
నువ్వునేను కలిసుంటేనే నాకెంతో ఇష్టం
నువ్వునేను మనమైతేనే ఇంకెంతో ఇష్టం
నువ్వునన్ను ప్రేమించావని నేన్నిన్ను ప్రేమించానని తెలిసాకా….
నువ్విక్కడుండి నేనక్కడుంటే
నువ్విక్కడుండి నేనక్కడుంటే ఎంతో కష్టం… ||నువ్వు||

ఎగరేసిన గాలిపటాలే ఎదలోతుకు చేరుతాయని
రుచిచూసిన కాకిఎంగిళ్ళే అభిరుచులను కలుపుతాయని
తెగతిరిగిన కాలవగట్లే కధ మలుపులు తిప్పుతాయని
మనమాడిన గుజ్జనగూళ్లే ఒకగూటికి చేర్చుతాయని
లాలించి పెంచినవాడే ఇకపై నను పరిపాలిస్తాడని తెలిసాకా….
నువ్విక్కడుండి నేనక్కడుంటే
నువ్విక్కడుండి నేనక్కడుంటే ఎంతో కష్టం ||నువ్వు||

ఆ బడిలో పాఠాలే మన ప్రేమని దిద్దుతాయని
ఆ రైలు పట్టాలే పల్లకిని పంపుతాయనీ…
రాళ్లల్లో మన పేర్లే శుభలేఖలు చూపుతాయనీ…
ఆ బొమ్మల పెళ్లిల్లే ఆ శీస్సులు తెలుపుతాయనీ…
తనకై నే నేర్చిన నడకలు ఏడడుగులుగా ఎదిగొస్తాయనీ తెలశాకా…
నువ్విక్కడుండి నేనక్కడుంటే
నువ్విక్కడుండి నేనక్కడుంటే ఎంతో కష్టం ||నువ్వు||

ఒక తోటలో

సాహిత్యం: చంద్రబోస్
గాయకులు: SP చరణ్, మాళవిక
సంగీతం: ఎంఎం కీరవాణి

ఒక తోటలో ఒక కొమ్మలో ఒక పువ్వు పూసింది
మహారాణిలా మహాలక్ష్మిలా ఆ పువ్వు నవ్వింది
అలాగే నవ్వుతూ ఉండాలనీ….
అలాగే నవ్వుతూ ఉండాలనీ….
నింగినేల, వాగువంక చెట్టు చేమ గువ్వగూడు ఆశీర్వదించాలి
లలలాలల…. లాలల లాలలాలాల ||ఒక తోటలో||

ఎన్నొరంగుల పువ్వు
ఎండ కన్నే ఎరగని పువ్వు
సుందరమైనపువ్వు
పలు సుగుణాలున్న పువ్వు
ఏ గుడిలో అడుగుపెట్టునో…
దేవుడు చల్లగ చుడాలి
ఆ పువ్వుకు పూజలు చేయాలి
దేవుడి గుండెల గుడిలో ఆ పువ్వే… హాయిగా ఉండాలి….
లలలాలల…. లాలల లాలలాలాల ||ఒక తోటలో||

నీరును పోసి పెంచి పందిరల్లే నీడనిచ్చి
ఎండా వానల్లోనా ఆదరించే తోటమాలి
ఆ పువ్వుకి తోడు ఉండగా…
దేవుడు వేరే లేడు కదా…
తోటమాలే పువ్వుకి దేవుడుగా….
మాలికి పువ్వుకి మధ్యన
అనుబంధం ఎన్నడూ వాడదుగా.. ||ఒక తోటలో||

జీవన వాహినీ

సంగీతం: ఎం ఎం కీరవాణి
గాయకుడు: M M కీరవాణి
సాహిత్యం: వేటూరి

ఓం…జీవన వాహినీ…పావనీ….
కలియుగమున కల్పతరువు నీడ నీవనీ
కనులు తుడుచు కామధేను తోడు నీవని

వరములిచ్చి భయము తీర్చి శుభము గూర్చు గంగాదేవి

నిను కొలిచిన చాలునమ్మా సకల లోక పావని
భువిని తడిపి దివిగ మలచి సుడులు తిరిగు శుభగాత్రీ గంగోత్రి….
గంగోత్రి…. గంగోత్రి…. గంగోత్రి….
గంగోత్రి…. గల గల గల గంగోత్రి. హిమగిరి జని హరి పుత్రి ||2||

జీవన వాహినీ…. పావనీ… ఆ…..ఆ….ఆ….ఆ…
మంచుకొండలోన ఒక కొండవాగులా
ఇల జననమొందిన విరజా వాహినీ…
సానిదగరిసనిదపమగరి సరి సరి గమ గమ గరిస
విష్ణు చరణమే తన పుట్టినిల్లుగా
శివగిరికి చేరిన సుర గంగ నీవనీ…
సససరిసరి గరిగమగమ
దప దప దప దప గరి సరి సరి సరి

అత్తింటికి సిరుల నొసగు అలకనందవై
సగర కులము కాపాడిన భాగీరధీవై
బదరీవన హృషికేశ హరిద్వార ప్రయాగముల మణి కర్ణిక
తన లోపల వెలసిన శ్రీ వారణాసి గంగోత్రి….
గంగోత్రి…. గంగోత్రి…. గంగోత్రి….
గల గల గల గంగోత్రి. హిమగిరి జని హరిపుత్రి….
పసుపు కుంకుమతో..పాలు పన్నీటితో…
శ్రీగంధపు ధారతో…
పంచామృతాలతో…. అంగాంగం తడుపుతూ…
దోషాలను కడుగుతూ…
గంగోత్రికి జరుపుతున్న అభ్యంగన స్నానం

అమ్మా… గంగమ్మా… కృష్ణమ్మకు చెప్పమ్మా
కష్టం కలిగించొద్దని
యమునకు చెప్పామ్మా సాయమునకు వెనకాడొద్దనీ
గోదారికీ… కావేరీకి…ఏటికి ….
సెలయేటికి …కురిసేటి జడివానకి…
దూకే జలపాతానికి….నీ తోబుట్టువులందరికీ..
చెప్పమ్మా… మా గంగమ్మా

జీవ నదివిగా… ఒక మోక్ష నిధివిగా…
పండ్లు పూలు పసుపులా పారాణి రాణిగా…
శివుని జటలనే తన నాట్య జతులుగా
జలక మాడు సతులకు సౌభాగ్య దాత్రిగా….
గండాలను పాపాలను కడిగివేయగా….
ముక్తి నదిని మూడు మునకలే చాలుగా
జలదీవెన తలకుపోసే జననీ గంగాభవాని
ఆమె అండ మంచు కొండ వాడని సిగ పూదండ …గంగోత్రి….
గంగోత్రి…. గంగోత్రి…గంగోత్రి….
గల గల గంగోత్రి…. హిమగిరి జని హరిపుత్రి ||౩||
జీవన వాహినీ …పావనీ….

వల్లంకి పిట్ట

గానం: కౌసల్య, ఐశ్వర్య
సాహిత్యం: చంద్రబోస్
సంగీతం: ఎంఎం కీరవాణి

వల్లంకి పిట్ట వల్లంకి పిట్ట మెల్లగ రమ్మంటు
చిన్నరిపాప పొన్నారిపాప తోడుండి పొమ్మంట
తను నవ్విందంటే ఇంకేం కావాలి
నిదరోతూ ఉంటే..తను పక్క నుండాలి…
ఈ బంగారు పాపను కంటికి రెప్పగా కాచుకోవాలి ||వల్లంకి||

గరిసని సమ గరిసా ||2||
సగమ నినిప మగమా ||2||
పాప్పా మగమ్మామ్మా గసగ్గాగ్గా సనిసా ||2||

చిరు చిరు మాటలు పలికే వేళ చిలక దిష్టి
బుడి బుడి అడుగులు వేసే వేళ హంస దిష్టి
వెన్నెలమ్మలా నవ్వే వేళ జాబిలి దిష్టి
జాబిలమ్మలా ఎదిగేవేళ దిష్టి చుక్క దిష్టి
ఇరుగు దిష్టి పొరుగు దిష్టి నా దిష్టి దేవునిదిష్టి
ఏ దిష్టి తనకు తగలకుండా నువ్వే చూడాలి ||వల్లంకి||

ఆటలాడగా చిట్టి చేతిలో బొమ్మ నవుతా…
ఆకలేయగా బుల్లి బొజ్జలో బువ్వ నవుతా…
స్నానమాడే చల్లని వేళ వేన్నీళ్ళవుతా…
ఎక్కెక్కి ఏడ్చేవేళ కన్నీళ్ళవుతా….
నేస్తాన్నవుతా…గురువు అవుతా…
పనిమనిషి తనమనిషవుతా…
నే చెప్పే ప్రతిమాటకు నువ్వే సాక్ష్యం అవ్వాలి …

వల్లంకి పిట్ట వల్లంకి పిట్ట మెల్లగ రమ్మంట…
మా మంచి పాట సిమ్మాద్రి పాట మనసారా వినమంట
తన తియ్యని పాటే అమ్మ పాడేలాలీ…
తనతోడే ఉంటే అది దీపావళీ…
మా ఇద్దరి స్నేహం వర్ధిల్లాలని దీవెనలివ్వాలి ||వల్లంకి పిట్ట||