రాజా (1999) సినిమా పాటల సాహిత్యం

తారాగణం: వెంకటేష్, సౌందర్య, అబ్బాస్
సంగీతం : SA.రాజ్‌కుమార్
దర్శకుడు: ముపల్లనేని శివ
నిర్మాత: R.B.చౌదరి

పాటలు:

కన్నుల లోగిలిలో
మల్లెల వాన
ఎదో ఒక రాగం(ఆడ)
ఎదో ఒక రాగం (పురుషుడు)
పల్లవించు తొలి

కన్నుల లోగిలిలో

గాయకులు: ఉన్నికృష్ణన్, చిత్ర
సాహిత్యం: సిరివెన్నెల
సంగీతం : SA.రాజ్‌కుమార్

అ..ఆ లాలల లాలల లా…లాలల లాలల లా
కన్నుల లోగిలిలో వెన్నెల విరిసిందీ
చల్లని జాబిలితో స్నేహం కుదిరిందీ
చెలిమి తోడుంటె చాలమ్మ లేనిది ఏముంది
అశ చిటికేస్తె చాలమ్మా అందనిదేముందీ
కన్నుల లోగిలిలో వెన్నెల విరిసింది
చల్లని జాబిలితో స్నేహం కుదిరింది

గున్నమామి గొంతులో తేనెతీపి నింపుతూ కోయిలమ్మ చేరుకున్నది
ఎండమావి దారిలో పంచదారవాగులా కొత్తపాట సాగుతున్నది
ఒంటరైన గుండెల్లో ఆనందాల అందెలతో అడే సందడిదీ
అల్లిబిల్లి కాంతులతో ఏకాంతాల చీకటినీ తరిమి బంధమిదీ
కల చెరగని కలలను చూడూ కంటికి కావాలి నేనుంటా
కల తరగని వెలుగులు నేడూ ఇంటీకి తోరణమనుకుంటా

కన్నుల లోగిలిలో వెన్నెల విరిసింది
చల్లని జాబిలితో స్నేహం కుదిరింది

పంచుకున్న ఊసులూ పెంచుకున్న ఆశలూ తుళ్ళి తుళ్ళి ఆడుతున్నవి
కంచెలేని ఊహలే పంచవన్నె గువ్వలై నింగి అంచు తాకుతున్నవి
కొత్తజల్లు కురిసిందీ బ్రతుకే చిగురు తొడిగేలా వరమై ఈవేళా
వాన విల్లు విరిసిందీ మిన్నూ మన్ను కలిసేలా ఎగసే ఈ వేళా
అణువణువును తడిపిన ఈతడి అమృతవర్షిణి అనుకోనా
అడుగడుగున పచ్చని బాటని బాటాలు పరిచిన వనమును చూస్తున్నా

కన్నుల లోగిలిలో వెన్నెల విరిసిందీ
చల్లని జాబిలితో స్నేహం కుదిరింది
చెలిమి తోడుంటె చాలమ్మ లేనిది ఏముంది
అశ చిటికేస్తె చాలమ్మా అందనిదేముందీ

మల్లెల వాన

గాయకులు: మనో, చిత్ర
గీతరచయిత: సిరివెన్నెల
సంగీతం : SA.రాజ్‌కుమార్

మల్లెలవానా మల్లెలవానా నాలోనా
మల్లెలవానా మల్లెలవానా నాలోనా
మనసంతా మధుమాసంలో విరబూసేనా
మనసంతా మధుమాసంలో విరబూసేనా
కోయిల సంగీతంలా కిలకిలలే వినిపించేనా
తేనెల జలపాతంలా సరదాలే చెలరేగేనా
విరిసే అరవిందాలే అనిపించేనా
మైమరచే ఆనందాలే ప్రతినిమిషానా
మల్లెలవానా మల్లెలవానా నాలోనా
మనసంతా మధుమాసంలో విరబూసేనా

చిన్న చిన్న సంగతులే సన్నజాజి విరిజల్లు
తుళ్లుతున్న అల్లరులే ముళ్లువేసి రోజాలూ
అందమైన అశలే చిందలాడు ఊహలే నందనాల పొదరిళ్ళు
గుప్పెడంత గుండెలో గుప్పుమన్న ఊసులే చందనాలు వెదజల్లు
ఓ…వన్నెల పరవళ్ళూ పున్నాగ పరిమళాలూ
వయసే తొలిచిత్రం చూసే సమయానా
మైమరచే అనందాలే ప్రతినిమిషానా

మల్లెలవానా మల్లెలవానా నాలోనా
మనసంతా మధుమాసంలో విరబూసేనా

కొమ్మలేని కుసుమాలూ కళ్ళలోని స్వప్నాలూ
మొగలిపూల గంధాలూ మొదలయ్యేటి బంధాలూ
కోరుకున్న వారిపై వాలుతున్న చూపులే పారిజాతహారాలు
అరె ముద్దుగుమ్మ ఎదలో మెగ్గవిచ్చు కధలే ముద్దమందారాలు
హా… నిత్య వసంతాలూ ఈపులకింతల పూలూ
ఎప్పుడూ వసివాడని వనమై హృదయానా
మైమరచే ఆనందాలే ప్రతినిమిషానా

మల్లెలవానా మల్లెలవానా నాలోనా
మనసంతా మధుమాసంలో విరబూసేనా
మనసంతా మధుమాసంలో విరబూసేనా
కోయిల సంగీతంలా కిలకిలలే వినిపించేనా
తేనెల జలపాతంలా సరదాలే చెలరేగేనా
విరిసే అరవిందాలే అనిపించేనా
మైమరచే అనందాలే ప్రతినిమిషానా

ఎదో ఒక రాగం(ఆడ)

గాయని: చిత్ర
సాహిత్యం: సిరివెన్నెల
సంగీతం : SA.రాజ్‌కుమార్

ఏదో ఒకరాగం పిలిచిందీవేళా
నాలో నిదురించే గతమంతా కదిలేలా
ఏదో ఒకరాగం పిలిచిందీవేళా
నాలో నిదురించే గతమంతా కదిలేలా
నాచూపుల దారులలో చిరుదివ్వెలు వెలిగేలా
నా ఊపిరి ఊయలలో చిరునవ్వులు చిలికేలా
జ్ఞాపకాలె మైమరపూ జ్ఞాపకాలె మేలుకొలుపూ
జ్ఞాపకాలె నిట్టూర్పూ జ్ఞాపకాలె ఓదార్పూ
ఏదో ఒకరాగం పిలిచిందీవేళా
నాలో నిదురించే గతమంతా కదిలేలా

అమ్మా అని పిలిచే తొలి పలుకులు జ్ఞాపకమే
రా అమ్మా అని అమ్మే లాలించిన జ్ఞాపకమే
అమ్మ కళ్ళలో అపుడపుడూ చెమరింతలు జ్ఞాపకమే
అమ్మ చీరనే చుట్టే పాత జ్ఞాపకం
అమ్మ నవ్వితే పుట్టే సిగ్గు జ్ఞాపకం

ఏదో ఒకరాగం పిలిచిందీవేళా
నాలో నిదురించే గతమంతా కదిలేలా

గుళ్ళో కథవింటూ నిదురించిన జ్ఞాపకమే
బళ్ళో చదువెంతో బెదిరించిన జ్ఞాపకమే
గవ్వలు ఎన్నో సంపాదించిన గర్వం జ్ఞాపకమే
నెమలి కళ్ళనే దాచే చోటు జ్ఞాపకం
జామపళ్ళనే దోచే తోట జ్ఞాపకం

ఏదో ఒకరాగం పిలిచిందీవేళా
నాలో నిదురించే గతమంతా కదిలేలా
నాచూపుల దారులలో చిరుదివ్వెలు వెలిగేలా
నా ఊపిరి ఊయలలో చిరునవ్వులు చిలికేలా
జ్ఞాపకలే మైమరపూ జ్ఞాపకలే మేలుకొలుపూ
జ్ఞాపకలె నిట్టూర్పూ జ్ఞాపకలె ఓదార్పూ
ఏదో ఒకరాగం పిలిచిందీవేళా
నాలో నిదురించే గతమంతా కదిలేలా

ఎదో ఒక రాగం (పురుషుడు)

గాయకుడు: SP బాలు
సాహిత్యం: సిరివెన్నెల
సంగీతం : SA.రాజ్‌కుమార్

ఏదో ఒకరాగం పిలిచిందీవేళా
ఎదలో నిదురించే కథలెన్నో కదిలేలా
ఏదో ఒకరాగం పిలిచిందీవేళా
ఎదలో నిదురించే కథలెన్నో కదిలేలా
నా చూపుల దారులలో చిరుదీపం వెలిగేలా
నా ఊపిరి తీగలలో అనురాం పలికేలా
జ్ఞాపకాలె మైమరపూ జ్ఞాపకాలె మేల్కొలుపూ
జ్ఞాపకాలే నిట్టూర్పూ జ్ఞాపకలే ఓదార్పూ
ఏదో ఒకరాగం పిలిచిందీవేళా
ఎదలో నిదురించే కథలెన్నో కదిలేలా

వీచే గాలులలో నీ ఊసులు జ్ఞాపకమే
పూచే పువ్వులలో నీ నవ్వులు జ్ఞాపకమే
తూరుపు కాంతుల ప్రతికిరణం నీ కుంకుమ జ్ఞాపకమే
తులసి మొక్కలో నీ సిరులు జ్ఞాపకం
చిలక మొక్కలా నీ అలక జ్ఞాపకం

ఎదో ఒకరాగం పిలిచిందీవెళా
ఎదలో నిదురించే కథలెన్నో కదిలేలా

మెరిసే చూపులలో నీ చూపులు జ్ఞాపకమే
ఎగసే ప్రతి అలలో నీ ఆశలు జ్ఞాపకమే
కోవెలలోనీ దీపంలా నీ రూపం జ్ఞాపకమే
పెదవిపైన నీ పేరే చిలిపి జ్ఞాపకం
మరపు రాని నీ ప్రేమే మధుర జ్ఞాపకం

ఎదో ఒకరాగం పిలిచిందీవెళా
ఎదలో నిదురించే కథలెన్నో కదిలేలా
నా చూపుల దారులలో చిరుదీపం వెలిగేలా
నా ఊపిరి తీగలలో అనురాగం పలికేలా
జ్ఞాపకాలే మైమరపూ జ్ఞాపకాలే మేల్కొలుపూ
జ్ఞాపకాలే నిట్టూర్పూ జ్ఞాపకలే ఓదార్పూ
ఏదో ఒకరాగం పిలిచిందీవెళా
ఎదలో నిదురించే కథలేన్నో కదిలేలా

పల్లవించు తొలి

గాయని: చిత్ర
సాహిత్యం: సిరివెన్నెల
సంగీతం : SA.రాజ్‌కుమార్

పల్లవించు తొలిరాగమే సూర్యోదయం
పరవశించు ప్రియగానమే చంద్రోదయం
సరికొత్తగ సాగు ఈ పాట విధిదారులు మారే సయ్యాట
ఒక చల్లని తోడు చేయూత నాపాటల తీగ తొలిపూట
నాలుగు దిక్కులు నా చిరుపాటలు అల్లుకునే సమయం
రెక్కలు విప్పుకు చుక్కలసీమకు సాగేను నా పయనం

పల్లవించు తొలిరాగమే సూర్యోదయం
పరవశించు ప్రియగానమే చంద్రోదయం

పలికే గుండె వేణువులో స్నేహమే ఊపిరీ
కదిలే కలల సరిగమలే పాటలో మాధురీ
కలిసినవి కొయిలలెన్నో శ్రోతల వరుసలలో
శీలలైనా చిగురించెను నా పల్లవి పలుకులలో
ఇంద్రధనస్సు సైతం తనలో రంగులనే
ఇప్పటి కిప్పుడు సప్తస్వరాలుగా పలికెను నాతోనే

పల్లవించు తొలిరాగమే సూర్యోదయం
పరవశించు ప్రియగానమే చంద్రోదయం

బ్రతుకే పాటగామారీ బాటయే మార్చగా
వెతికే వెలుగు లోకలే ఎదురుగా చేరగా
అణువణువూ ఇటు వింటున్నా నాస్వరమే పలికే
అడుగడుగున అ స్వరములలో సిరులేన్నో చిలికే
ఆలకించెనే కాలం నా అలాపనయై
పాటల జగతికి ఏలే రాణిగ వెలిగే శుభవేళా

పల్లవించు తొలిరాగమే సూర్యోదయం
పరవశించు ప్రియగానమే చంద్రోదయం

సరికొత్తగ సాగు ఈ పాట విధిదారులు మారే సయ్యాట
ఒక చల్లని తోడు చేయూత నాపాటల తీగ తొలిపూట
నాలుగు దిక్కులు నా చిరుపాటలు అల్లుకునే సమయం
రెక్కలు విప్పుకు చుక్కలసీమకు సాగేను నా పయనం

కవ్వించకే ఓ ప్రేమ

గాయకులు: రాజేష్, సుజాత
సాహిత్యం: సిరివెన్నెల
సంగీతం : SA.రాజ్‌కుమార్

కవ్వించకే ఓ ప్రేమా కౌగిళ్ళకే రావమ్మా
చల్లనైన ఓ ప్రేమా చందమామలా రామ్మా
తీయనైన ఓ ప్రేమా తేనెవానలా రామ్మా
ఎదలో ఊయలూగుమా హాయిరాగమా
వేయి కలల చిరునామా ప్రేమా
స్వాతి చినుకులా సందెవెలుగులా
కొత్త వరదలా రామ్మా ప్రేమా
కవ్వించకే ఓ ప్రేమా కౌగిళ్ళకే రావమ్మా

అందమైన బంధనాల వరమా
బందనాల చందనాలు గొనుమా
కలే తీరుగా ఒడే చేరుమా
సున్నితాల కన్నె లేత నడుమా
కన్నుతోనే నిన్ను కాస్త తడిమా
ఇదే తీరుగా ఎదే మీటుమా
సాయం కావాలన్నదీ తాయం ఓ ప్రేమా
చేయందిస్తా రామరి సరదా పడదామా
నీవెంటే నీడై వుంటా నిత్యం ఓ ప్రేమా
కవ్వించకే ఓ ప్రేమా కౌగిళ్ళకే రావమ్మా

వేడుకైన ఆడ ఈడు వనమా
వేడివేడి వేడుకోలు వినుమా
వయ్యారాలలో విడిది చూపుమా
అగలేని ఆకతాయి తనమా
వేగుతున్న వేగమాప తరమా
సుతారాలతో జతై చేరుమా
తీరం చేరుస్తున్నదీ నీ నవ్వేనమ్మా
భారం తీరుస్తున్నదీ నువ్వే లేవమ్మ
నాప్రాణం నీవే అంటే నమ్మాలే ప్రేమా

కవ్వించకే ఓ ప్రేమా కౌగిళ్ళకే రావమ్మా
చల్లనైన ఓ ప్రేమా చందమామలా రామ్మా
తియనైన ఓ ప్రేమా తేనెవానలా రమ్మా
ఎదలో ఊయలూగుమా హాయిరాగమా
వేయి కలల చిరునామా ప్రేమా
స్వతి చినుకులా సందెవెలుగులా
కోత్త వరదలా రామ్మా ప్రేమా
స్వాతి చినుకులా సందెవెలుగులా
కొత్త వరదలా రామ్మా ప్రేమా